"جاكم المعتصم يا طالباته".. كلمة الأخ قائد الثورة لأهل بنغازي في 17 . 3 . 2011 الثلاثاء 17 مارس 2020-21:06:23 مساءاً
القائد الشهيد معمر القذافي ونجله المعتصم بالله صحيفة الشمس الليبية مشاركة المقال بالتزامن مع الذكرى السنوية التاسعة للكلمة التي وجهها الأخ قائد ثورة الفاتح العظيمة العقيد معمر القذافي، إلى أهالي مدينة بنغازي التي وصفها بحبيبته، والتي أعلن فيها إرسال نجله المعتصم بالله تلبية لنداءات نساء المدينة قائلا : "جاكم المعتصم يا طالباته"، تنشر صحيفة الشمس نص الكلمة كاملآ.. أهلنا الأعزاء الأحباء في بنغازي الحبيبة وضواحيها جايكم الخير والفرج والهني والسلام والراحة والاطمئنان و الأعراس والأفراح و الحب و الغناء كلها جاية وتو أرواحكم أبشرو أبشرو مصممين نحنو الليبيين كلنا علي إعادة ليبيا الحبيبية مثل ما كانت من شهر، ورد وفل وأفراح و مراح وهني ورأس مرفوع وراية خضراء خفاقة كل الشعوب تتجه للشعب الليبي تطلب في المعونات و المساعدات وليبيا في العلي في المجد ترئس القمم الققم العالمية قارات العالم أتجي لليبيا مصصمين بإذن الله علي عودة ليبيا علي ما كانت عليه من شهر تصميم ما فيه تردد لا يمكن تستمر هذه المهزلة لايمكن تستمر المسخرة لا يمكن نقبل ابدآ بهذه السخافة شن زرنا عليها ايموتوا اولادنا تدمر ابلادنا نبدو نشحتو معقولة تجمل عليكم قطر تكتب عمدآ دولة قطر دازه ماكلة وشراب ودواء لليبيين تشمت فيكم تضحك يضحكو ايقولو الحمد لله شمتنا ربي في الليبيين لي كانو يرفعو في خشومهم علينا في كل مكان. الشعوب كانت تمد يدها ليكم بالأمس من كم شهر وأنتم تبعثو في المعونات للشعوب المنكوبة من سيرلانكا لعند وين اليوم العار قطر أخرتها تمدولها في أيديكم من باب الله أتخليكم شحاتين ياكريمة الله ياكريم إمتاع الله اتحطونا في هل الوضع درهو اكبودنا نحسابوهم أيتوبوا ايؤبو يرجعو عن تالياتهم يقنعهم حد يرجعلهم عقلهم باعو نفسهم للشيطان كمشت شداد أفاق جايين من أفغانستان ومن مصر ومن تونس المنكوبة وأفغانستان المدمرة جاين منها جاينكم هنا بيدمرو بلادكم أنتم عارفينهم واهو موجودين بين أيديكم جاين ايدمرو في بنغازي الجميلة الحبيبة لي أمخصصيلها "22 مليار" بس بيش أتولي اعجوبة ،الأبراج والفنادق و الحدائق والصرف الصحي والكورنيش والشاطي بحيرة جليانة هذه مقررين تبقي جنة نبغي العائلات والأطفال ودراجيح نبي العائلات ايصيفو حولها والفنادق مش غير تبستي واوزو اتحيط بيها الفنادق من كل مكان ونبغي بالقوارب انمرو حول بنغازي بالقوارب من عين زيانا لغايت جليانا أنمرو بالقوارب خطة بهذا الشكل كنا دايرينها . أيجوكم بعدين ايحولوكم الي شحاته مادين أيديكم قدام الميناء واتقولو ياكريم امتاع الله يامحسنين معقولة ترضو بهذة الاهانه ايحطوكم في هل الحضيض خلاص الليبين كبودهم درهت لي بيصير أيصير إن شاء الله العالم كله ايحاربنا يضربونا حتي بالقنابل الذرية غبا وين ابلادنا وماانفرط فيها كرامتنا وحدتنا اهلنا اطفالنا شبابنا خلاص حسم الأمر جايين اطلعو انتم من الداخل جهزو نفسكم من الليلة الدواره في الزنادقة والخونة بس لا رحمة ولا شفقه امعاهم وحنقلب عليهم الحيط حيطة حيطة بالك واحد خاش تحت حيطة الا اذا كان هرب تركنالا الطريق اونهي امساعد اهربو لي ابيهرب أن شاء الله لا ولا فلتذهب الكلاب الي جيفتها يمشو لمصر أو لأي مكان ابيمشولة ،إما الدوارة فيهم هم الخونة لي دايرين الدرابيك لي بريطانيا وأمريكيا وفرنسا تعالي استعمرينا من جديد تعالو خشو حوشانا بكرة الاوربين والامريكان بالفراعي يبقو خاشين حيشانكم في بنغازي وماتقدرش أتكلم لأن قواتة موجودة فوق الأرض هذا كيف يبوكم هل الخونة يبونا نفقدو شرفنا وعرضنا وتو إحنا فقدنة في بنغازي المجرمين إلي طالعين من السجن و الحشاشين والقتلة طلعوهم و عطوهم سلاح بيش تعرف أن ماعندهم قوة شوفو قوتهم يمشو للسجن ويطلعو المجرمين بيش ايقاتلو امعاهم والمجرمين هذوم كل ليلة يهتكو في عرض عائلة ليبية في بنغازي. الاتصالات بآلاف من العائلات وهي تستغيث كلهم ايقولو و معتصماه جاكم جاكم ومعتصماه ياطالباتة بلادنا خاشينها وروسنا عريانا ومعرين رووسنا المهزلة بتنتهي خلاص اخر ساعاتها هذه . خلونا زي الصومال وحني دولة غنية جدآ وقفو النفط بيش نبدو نشحتو بيوقفو النهر الصناعي العظيم بيش انموتو بالعطش بكره او بعد بكره بيوقفو عليكم الكهرباء هذا كان اقعدو لان هذا لي جايكم ومتحصن في العمارات عندكم غادي هذا ابلاده محروقه ومدمره وقاعد في حقفة شن ايهمة أن بنغازي تولي حقفة وتنحرق هذا كلام قلتة ليكم لكن انتم مغلوب علي امركم عارفكم. بيحولونا فقراء زي الصومال و بيجيبولنا الاستعمار بيجيولنا الزوز باهي والله يقطعو علينا الاتصالات والكهرباء والنهر والنفط خلاص شن مازال مازال انمدو ايدينا ليهم ونعطوهم شرف نسوانا في بنغازي ايبوهن ايبعن شرفهن بيش ايحصلن حكة سردينة من قطر عار لي بيسلم اسلاحة لنا و ينضملنا نحن الشعب لي يلقي اسلاحة لي يقعد في بيتة بدون أسلاح هذا معفي علية اني متحمل المسؤالية العفو علي اي واحد لوح اسلاحة في الشارع القي بندقيتك في الشارع من بكرة نبو البنادق نكنسوهن من الشارع الرشاشه الذخيرة أي واحد يقعد في بيته بلا سلاح هذا خلاص مهما دار في السابق معفي محمي . لوح بندقيتك انت يا ابني وأسرتك لي تسمع في اتقولك لوح البندقية لوح الرشاشة وتعال اقعد في بيتك لكن انكن خشيت بالسلاح لي شقة سوف تفتش الشقق شقة شقة ولي يلقو عندة اسلاح في الشقة معناها عدو نبي السلاح كلة يتلوح في الشارع انتم لي يضحكو عليكم وحاطينكم في البوابات حول بنغازي بيتم تدميركم تدمير كامل مانبيكم تدمرو ياولادي أتركولهم الرشاشات اتركولهم السيارات اتركولهم القواذف عدو لبيوتكم عدو عليكم الامان ماتبغيش تقعد في بنغازي عدي امشي عليك الأمان امشي لسيدي خليفة عدي لبرسس عدي لساهل بنغازي عدي للابيار عدي للمرج عدي لي بومريم عدي لاي مكان اأنت تبي تمشيلة عدي لقبر جيره عدي إن شاء الله تمشي لمساعد تمشي لمصر حر ادافعو عن من. بكره بعد يبدا الدك بالدانات والقنابل علي المواقع المسلحة من بيرجعك للحياة مره ثانيه بدافع عن من يامغفل يا ابني لي كانك انت من بنغازي لوح الرشاش ولوح البندقية ولوح الميم طا لوحن واهرب من الليلة وخليهن في مكانهن بكره انضموهن بكره ناخذوهن ونضموهن وعليك الامان وعليك الامان بيضحو بيكم دايرينكم تروس امشو لي قمينس امشو لي سلوك ريت بيش تدمر قمينس وتدمر سلوك انتم ياأهلنا يلي في قمينس يلي في سلوك بكرا بيش تنضمو وتفكو منهم السلاح وماتخلو حد بسلاحه داخل قمينس ولا داخل قنفودة ولا داخل تيكا ولا داخل شط البدين ولا داخل سلوق ولا داخل الخضراء ولا داخل النواقية ولا جليانة كل هذه المداخل امتاع بنغازي لي موجود في هذه المداخل يهرب لبيتة و علية لامان ويقعد في بيتة ولا ايعدي منه غادي ولوحو السلاح خلة يقعد مثل اخوانكم في اجدابيا ومناطق اخري لوحو اسلاحهم وعدو عليهم الامان مانتبعو فيهم ابدآ ابدآ اولادنا وكان مغرر بيهم ادوارتنا في الزنادقة لي احرقو ابلادنا ولي جو من الخارج امتاعين اللحي هذوم لي اندورو فيهم لاشفقة ولا رحمة معاهم ولا نسمح ابدآ لليبيا رهن امتعين اللحي دوارتنا بعد الزنادقة الخونة لي استخدموهم الزنادقة أدات بيش ايجيبولكم الماكلة من قطر للأسف الشديد ومن الكويت ومش عارف من وين ياعليك غبينة ايشحتو اشحاتة مشمتين وين ماشيات هذين مساعدات لأهل بنغازي مساكين جيعانين لاباس خيرنا جتنا كارثة زي كارثة اليابان ماجتنا الحمد لله عندنا النهر وعندنا النفط وحني لي نصدقو علي الشعوب اليوم أيخلونا الخونة في وضع انمد في أيدينا هذوم الامر منتهي امعاهم الخونة والزنادقة بس اما غيرهم من أفراد الشعب المسلح ينضمولنا من بكره اهلا وسهلا بيقعدو في بيوتهم أهلا وسهلا ايلوحو سلاحهم اهلا و سهلا بيقاتلو مافيش خوف لا علي جنود الصاعقة هذوم أبنائي ولما تخرجو اقسمو بان يدفعو عني وعن ثورة الفاتح والضباط المغلوب علي أمرهم مافيه ضابط موجود في بنغازي الآن قاعد امعاهم غادي الأ وتصل بينا قبل مايلقو علية القبض وقال راهو. جايني وقالو راهو حنذبحوك زي ذبحت الزرقاوي ولا انجيبو زوجتك وبنتك قدامك ولا تنضملنا قلنالهم انضمولهم لان نبوكم حيين اي حاجة ايقولولكم عليها ديروها عارفينكم الا من اكره وقلبة مطمئن بالايمان انا عارف ابنائي الضباط الاحرار هذوم اعيوني هذوم اولادي قبل معتصم بالله وقبل سيف الاسلام وقبل خميس وقبل عروبة ومحمد وقبلهم كلهم نعرفهم قبل اولادي هذوم اولادي الحقانين رفقه تاريخية ماتشوه في الاخر نتركو لاولادنا نتركولهم الامجاد مانتركولهم الخيانة. انتم اية الاسود الضباط الاحرار وجنودكم البواسل انتم مكرهين الا من اكره وقلبة مطمئن بالايمان يعني ياسر بن عمار عذبوه وبعدين جابو امه وبوة وقعدوا يعذبو فيهم قدامة قالولة مابنطلو تعذيب لين تكفر بمحمد صل الله عليه وسلم قاللهم خلاص كفرت بمحمد بيش بطلو تعذيب لهم بعدين جي بعد انتصر الاسلام ماقدر ايقابل النبي قاله يانبي الله انا قلت فيك كلام قال لة لا لا ماعليك نزل الله هذه الاية الا من اكرها وقلبة مطمئنن بالايمان قالة خلاص ياسر بن عمار هذا اكره ولكن قلبة مطمئن بالايمان ومؤمن بيك يامحمد حتي انتم الكلام لي قلتوه اني ماحبيتش نسمعة بكل مش كلامكم مجبرين علية خايف عليكم لعند الان خايف عليكم حافظو علي ارواحكم حافظو علي انفسكم انتم ياابنائي يا طيارين يا صاعقة يا ضباط الضباط الاحرار هذوم مفروغ منهم مافيهم شك لكن حتي بقية الضباط الاخرين الذين اقسمتو للدفاع عن الثورة ثورة الفاتح العظيم. أبنائي عليكم الامان جاينكم هذا اليوم السعيد غدوه نقطعو الطريق عن الاعداء بكره اتغير بنغازي اتعود من جديد فن ورن وافراح وزغاريد والعاب نارية ونمسحو الوسخ هذا و القذاره هذه امسحوها كل الضباط ضباط احرار او مش ضباط احرار الجنود البواسل اعضاء اللجان الثورية الرفاق وابنائهم واحفادهم طلبة الجامعات التشكيلات الثورية النسائية وكل اهلنا جهزو انفسكم من هذه اللحظة تستعدوا من هذه اللحظة للانقذاذ علي الزنادقةوعلي الخونة من بكره انديرو فيهم مدار قدام العالم العالم لازم ايشوفهم بكرا ايشوف بنغازي هل هي خاينة او هل هي مدينة حره مدينة الامجاد بنغازي حررتها بي بندقيتي لما كانت تحت الاستعمار والرجعية يوم الفاتح العظيم ماتخوني بنغازي معقولة انا نقبل حاجة في بنغازي بنغازي حبيبتي. العواقير انتم لي موجودين قدامنا توا من قمينس لعند سلوق دمرو اي مواقع موجوده دمروها وهجمو عليها اي مواقع حاطينها قدام دمروها وهجمو عليها الا اذا كان هم هربو الليلة وتركو السلاح خلاص انتم خوذو السلاح وبكره قدموه لقواتكم المسلحة الفاخر انتم في الطريق كذلك نفس الشي الجوازي مفروغ منهم هذه القبائل لي تو قدام. كلكم مش عاطين العهد قدام العالم وموجوده ومسجلة ويشوف فيها العالم كل يوم ومازال يقدرو ايشوفوها من الليلة لي يهرب ويخلي اسلاحة لموه انتم وجيبوه لقواتكم المسلحة. أبنائي الطيارين مايضحكو عليكم وانتم اتقاتلو في بعضكم معقولة كيف ماصار فيكم اليوم كل طيارة تطلع اطيح ومعقولة ايقولوكم امس عداو جربوا القنابل علي مقبرة اخريبيش ولا وحدة منهن المقابر لي موجوده غادي اضربوها بالقنابل بيش انجربوا قالو شني قالو هذه مقبره معقولة اسمعتو بيها ولا مااسمعتو بيها قالولهم عداو جربو القنابل فوق المقبرة قالو هذي ناس ميتة ميتة كيف بوي وخوي وجدي وعمي وابني مدفونين هنا اتجي انت اتجرب فيهم القنابل مجبرين هذوم مسكين اولادنا لوحولهم الشقف امتاعهم الطيارات هذه مفروض اتحرر فلسطين ولا تتصدا للاستعمار الصليبي الجديد معقولة طائراتنا نستخدمها ضد بعضنا. كل الأحياء بكره تستعد لمحاصرة الخونة والانقضاض عليهم ولي مطاردة الزنادقة والقضاء عليهم الزنادقة كان اهربوا اهربوا في ستين داهية وكان قعدين مافية مفر من هذه القدر ودلونا علي العدو وين موجود اسلاحة وين موجود اي زنديق وين متخبي في أي حجرة في أي دولاب في اي مكان ايدلنا علية يكذبو عليكم وديرين مكبرت صوت ضربنا طائرة طاحت طائرة قصفنا باب العزيزية عايشين علي الكذب باب العزيزية افراح والتنوير لي ايقولولكم قصف طلع الطيار لي قالو مات كسفهم عايشين علي الكذب ديرين مكبرات صوت راكم اتصدقو لي اتقولة الإذاعة امتاعهم زي الجزيرة هذه بزبط ولامكبرات الصوت لي دايرينها في السيارات كلها كذب عايشين علي الكذب جنودهم هو الكذب قواتهم هي الكذب ماعندهمش اي حاجة الا هذه لكن هم انتهو من الليلة خلاص كان غير لقيوا المية في اركابهم مانصبتش باهي بيش يهربوا هم خلاص اعتقد انتهو خلاص كان عندهم سيارات ولاحمير هربوا بيهن ماشي الحال هذوم انتهوا من بكرا ماتلقو منهم ولا نفخ نار يبدا شعبنا بس زغاريد اطلعن البنات الاولاد اطلعن العزايز اطلعوا الرجال اطلعوا كلكم طهروا مدينة بنغازي. هذه مشكلة بسيطة اخلاقو منها مشكلة دولية يبو يستعمرو بيها ليبيا ضيعوها فوتو عليهم الفرصة اليو ولا غير اليوم من هذه الليلة لانني مصممين مثل ماقلنا زنقة زنقة دار دار حجرة حجرة حتي الدولاب مش ممكن المهزلة هذي اتعيش. الشعب الليبي علي بكرة ابيه جاي زاحف غايض حاجة غير معقولة امواج من البشر اتمر علي طرابلس وهذه المناطق وماشية ونهدو فيها وهي منطلقة ليش قالو من الاستغاثة بناتنا حبيباتنا صديقاتنا ايقولو في بنغازي يستنجدن بينا مازلنا احنا رجالة يستنجدن بينا واحنا مانهبوش لإنقاذهن مش ايقولو جاينكم بيقتلوكم ياسلام نقتلوا شعبنا اول حاجة انا معمر القذافي انموت من اجل شعبي وعارف لان شعبي كلة بيموت من اجلي احنا قواتنا هي هذه بشعبنا وبعون الله الخوف خلاص انتهي التردد انتهي اتقدم اكراع وتوخر اكراع خلاص توا مافيش جت ساعة الحسم خلاص. الساعة التاريخية قتلكم جاينها وروسنا عرايا كان جتكم السيارات لي فيها مكبرات الصوت دمروها والاذاعة امتاعهم عدوا دمروها هذه هي لي ترهب فيكم وتكذب عليكم ويقولولكم تعالو شوفوا الطيارين لي سلمو انفسهم كذابين تعالو شوفو الطياره لي طيحناها كذابين اولادنا هم لي خربو الطيارات غادي في بنينة ولي تطلع اطيح احنا عندنا الطابور الخامس زي فرانكو زحف علي مدريد وبأربع طوابير من الخارج قالولة كيف حررت مدريد بأربع طوابير من الخارج قاللهم لا مش اربعة قاللهم خمسة قاللهم فية الطابور الخامس منو الطابور الخامس قال اهل المدينة لي امعاي من الداخل لي يرجو في امتي نوصلهم هم هذوم لي اعنواني من الداخل هذا هو الطابور الخامس انتم كونو طابور خامس من الداخل هلها خلاصين وحلها مش اتقولو مدسوسلها يوم وحلها هذا يوم وحلها مدسوسلها لعازتها احنا كلنا مدسوسين لهذا اليوم لتحرير بنغازي بكرة الرايات الخضراء إن شاء الله تبدي من امساعد لغدامس ونواجهو الحلف الاطلسي كان بيجي ايتفضل وروسنا عراينا فوق فوق كان بيجوا بنعيشو دائمآ احنا تحت ارهابهم كل عام ايديرولنا قصف وكل عام ايديرولنا حظر. وكل عام ايديرولنا تهديد. احنا خالقنا ربي بيش انعيش مهددين تحت الحلف الاطلسي تحت النصاره مع اننا لاغزيناهم ولا ذهبانلهم ولا درنا اي شي بالك ايقولو انتم درتم حاجة تو زي المصيبة هذه احنا درناها مش هم لي داروها طبعآ هذا الكلام سوف يأثر في اهلنا وفي الخونة والزنادقة مش غير بنغازي في اي منطقة اخري موجود فيها زنديق او خاين هذه الليلة هي ليلتة الليلة يرتبك ينهار الليلة تنصب المية في اركابة هلها جوها وانتم هلها هلنا ونهار انغابن لاعذار الدفاع عن حرماتنا تخليص بناتنا ونسائنا من العصابة المسلحة من الخونة والزنادقة الله اكبر. في هذا المقال أهل بنغازي كلمة قائد الثورة تعليقات فيسبوك